Ulaanbaatar
ОБЕГ:Алба хаагчдын ажиллаж амьдрах орчин нөхцөлийг сайжруулна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Онцгой байдлын ерөнхий газрын дарга, бригадын генерал Г.Ариунбуян өнөөдөр Говь-Алтай аймгийн Онцгой байдлын газрын ажилтай танилцаж, алба хаачидтай уулзлаа.
Уулзалтаар Онцгой байдлын байгууллагаас авч хэрэгжүүлж байгаа бодлого, үйл ажиллагааны талаар мэдээлж, тус газраас хийж буй бүтээн байгуулалтын ажил болон техник хэрэгсэлтэй танилцан шинэ бүтээл, оновчтой санал санаачилга гарган ажиллаж байгаад талархал илэрхийлэн алба хаагчдад амжилт хүслээ.
Онцгой байдлын газрын хамт олон иргэдийн эрүүл мэнд, амь насыг авран хамгаалах, аюулгүй байдлыг хангах, болзошгүй гамшиг, ослоос урьдчилан сэргийлэх үндсэн үүргээ нэр төртэй биелүүлж байна. Үүний зэрэгцээ бүтээн байгуулалтын олон ажил өрнүүлж, алба хаагчдын ажиллах, амьдрах орчин нөхцөлийг сайжруулахад анхааран ажиллаж байна гэж ОБЕГ-аас мэдээллээ.
