Нэр дэвшигчдийн сонгуулийн сурталчилгаа эхлэв
ОРОН НУТГИЙН МЭДЭЭ | ДАРХАН-УУЛ2016 оны УИХ-ын сонгууль болон Орон нутгийн сонгуульд Дархан-Уул аймагт нэр дэвшигчид хуулийн дагуу өнөөдөр сурталчилгааны нээлтээ хийж байна.
УИХ-ын 43, 44, 45 дугаар тойрогт МАН, АН, МАХН болон бусад эвслээс нэр дэвшигчид тус бүрийнхээ тойрогт сурталчилгааны нээлтээ хийсэн бол аймгийн ИТХ-ын сонгуульд нэр дэвшигчид УИХ-д нэр дэвшигчидтэйгээ хамтарч нээлтээ хийв. Харин бие даагчид тус бүрийнхээ тойрогт буй өөрийн штаб дээрээ нээлтээ хийсэн юм.
Дархан-Уул аймгийн Сонгуулийн хорооны мэдээгээр тус аймагт нам эвслүүдээс УИХ-д намуудаас нэр дэвшигчдээс гадна аймгийн Иргэдийн Төлөөлөгчдийн Хуралд МАН-аас 26 нэр дэвшигч, АН-аас нэр дэвшсэн 33, МАХН-аас нэр дэвшигч 16 хүн, бие даан нэр дэвшигч найман хүн нэр дэвшигчийн үнэмлэхийг авч сонгуулийнхаа сурталчилгааг хийж эхэллээ.
Б.Норовсамбуу