Ulaanbaatar
ЕАБХАБ-ын Парламентад томоохон өөрчлөлт хэрэгтэй гэв
ДЭЛХИЙН МЭДЭЭ | НИЙГЭМТБИЛИС. /Sputnik/. Терроризм болон цагаачлалын асуудал зэрэг дэлхийн аюулгүй байдалд заналхийлж буй асуудлуудыг шийдвэрлэх үйл ажиллагааны төлөвлөгөө боловсруулж, илүү идэвхтэй ажилладаг байгууллага болохын тулд Европын аюулгүй байдал, хамтын ажиллагааны байгууллага /ЕАБХАБ/-ын Парламентын Ассамблейд томоохон өөрчлөлт хийх хэрэгтэй гэж ЕАБХАБ-ын Парламентын ассамблейн Дэд ерөнхийлөгч, одоо тус байгууллагын Ерөнхийлөгчид нэр дэвшээд байгаа Алан Нери мэдэгджээ.
ЕАБХАБ-ын хүрээн дэх бүх улс үндэстэн 70 жилийн өмнө нацизмын эсрэг нэгдэж байсан шиг өнөөдөр терроризмын аюул заналын эсрэг дахин нэгдэх хэрэгтэй гэж тэрбээр үзэж байгаа юм. ЕАБХАБ-ын Парламентын Ассамблейн Ерөнхийлөгчийн болон Дэд ерөнхийлөгчийн сонгууль 7 сарын 1-5-ны хооронд болох ажээ. Сонгууль жил бүрийн чуулга уулзалтын хамгийн сүүлчийн өдөр болохоор товлогдоод байгаа юм.
Ерөнхийлөгчид нэр дэвшигч нь Францын Алан Нери бол ЕАБХАБ-ын Парламентын ассемблейн Дэд ерөнхийлөгчид Австрийн Кристин Муттонен болон Гүржийн Георг Церетели нар нэрээ дэвшүүлжээ.
Х.Сарнай
