ЕХ уур амьсгалын өөрчлөлттэй тэмцэх хуулиудыг батлахаар зорьж байна
ДЭЛХИЙН МЭДЭЭ | БАЙГАЛЬ ОРЧИНБРЮССЕЛЬ. /Reuters/.
Европын Холбоо /ЕХ/ ирэх сард болох НҮБ-ын уур амьсгалын асуудлаарх жил тутмын бага
хурлыг угтан уур амьсгалын өөрчлөлттэй тэмцэх тухай гурван шинэ хуулийг
батлахаар зорьж байна.
Өнгөрсөн онд
болсон НҮБ-ын “COP26” бага хурлаар дэлхийн 200 орчим улс орон энэ оны бага
хурал гэхэд уур амьсгалын өөрчлөлттэй тэмцэх үүрэг амлалтаа ахиулж, төлөвлөгөө
хоорондын зөрүүг арилгахаар тохиролцсон юм.
Гэвч Египет улсад НҮБ-ын
Суурь конвенцид нэгдэн орсон улс орнуудын бага хурлын 27 дахь чуулган /COP27/
болоход хоёр долоо хоногийн хугацаа үлдээд байгаа энэ үед ердөө 20 гаруй орон л
энэ чиглэлд хүчин чармайлт гаргаад байна.
ЕХ хорт хийн
ялгарлыг бууруулах тухай гурван хуулийн хэлэлцүүлгийг эрчимжүүлэхээр
тохиролцоод байгаа тул НҮБ-ын бага хуралд уур амьсгалын шинэ амбицтай бодлоготой
хүрэлцэн очих боломжтой гэж ЕХ-ны төлөөлөгчид “Reuters” агентлагт мэдээлжээ.