Ulaanbaatar
ХӨВСГӨЛ: Хөвсгөл нуурын мөс цөмөрч нэг иргэн амиа алджээ
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн Рэнчинлхүмбэ сумын Далайн зах
баг Сантын даваа гэдэг газар аймгийн төвөөс баруун хойд зүгт
268 км, сумын төвөөс зүүн зүгт 65 км-т Хөвсгөл нууран дээгүүр зорчиж явсан гурван зорчигчтой автомашин мөс цөмөрсний улмаас энэ сарын 3-ны 19 цаг 30 минутад нуурт живсэн байна.
Автомашинд гурван иргэн зорчиж явсан бөгөөд хоёр иргэн
эсэн мэнд гарсан, нэг иргэн харамсалтайгаар амиа алдсан байна. Осол болсон газар нь нуурын эргээс 32 метр
зайтай, мөсний зузаан 20 см, гүн 5 метр байгаа юм.
Ослын газарт Хөвсгөл аймгийн Онцгой байдлын газрын Эрэн хайх, аврах
салбарын дарга, хошууч Н.Мягмарсүрэнгээр ахлуулсан 9 алба хаагч живсэн
автомашин болон буцалтгүй нэрвэгдэгчийг аврах ажиллагааг эхлүүлэн ажиллаж
байна.
