ӨВӨРХАНГАЙ: 400 гаруй айл шинээр өрхийн тариалалт хийж эхэлжээ

ОРОН НУТГИЙН МЭДЭЭ | ӨВӨРХАНГАЙ
batchimeg@montsame.mn
2023-05-16 15:10:10

Арвайхээр /МОНЦАМЭ/. Аймгийн хэмжээнд өнөөдрийн байдлаар 680 га-д улаанбуудай, 18 га-д төмс, 34 га-д хүнсний ногоо тариалаад байна. Цаг агаар хүйтэн, салхи ихтэй байгаагаас шалтгаалж энэ жилийн тариалалт оройтсон. Гэсэн ч ирэх арав хоногт эрчимтэй тариалалт хийнэ хэмээн ХХААГ-ын дарга С.Цэдэнбалжир мэдээллээ.

2023 онд аймгийн хэмжээнд 6960 га талбайд үр тариа, 430 га-д төмс, 280 га-д хүнсний ногоо, 100 га-д жимс жимсгэнэ, 4 мянган га-д малын тэжээл тариалах зорилттой ажиллаж байна.

“Хүнсний хангамжийг нэмэгдүүлэх жил”-ийн хүрээнд 400 гаруй айл шинээр өрхийн тариалалт хийж эхлээд байна. Аймгаас төмс, хүнсний ногоо, сонгино, саримсны үрийн 80 хувийг хөнгөлөлттэйгээр сумдад хуваарилж, айл өрхүүдэд олгоод байгаа юм.

Хөдөө аж ахуйн салбарыг дэмжих хөнгөлөлттэй зээлд тариаланч, аж ахуйн нэгжүүд хамрагдаж, одоогоор 1.5 тэрбум төгрөгийн зээлийг аваад байна.  

Related news