Ulaanbaatar
ХӨВСГӨЛ: Засаг даргад П.Лхагважавыг нэр дэвшүүлнэ
ОРОН НУТГИЙН МЭДЭЭ | ХӨВСГӨЛ
Мөрөн /МОНЦАМЭ/. Хөвсгөл аймгийн Иргэдийн төлөөлөгчдийн
хурлын ээлжит 19-р хуралдаан болж, аймгийн Засаг даргад нэр дэвшүүлэх асуудлыг
хэлэлцэв.
Аймгийн Засаг даргад МАН-аас нэр дэвшүүлээгүй бөгөөд АН-ын
намын бүлгээс П.Лхагважавыг нэр дэвшүүлж хурлын төлөөлөгч нарын 100 хувийн
саналаар Монгол Улсын Ерөнхий сайдад уламжлахаар болов.
Пилжээгийн Лхагважав нь 1970 онд Цэцэрлэг суманд төрсөн.
1987-1989 онд Дархан хотын Усны аж ахуйн техникум төгсөж 1989-1991 онд
Дорноговь аймгийн Зүүнбаянд цэргийн алба хаасан.
1991-1993 онд Хөдөө аж ахуйн коллежийг Усжуулалтын ажлын
механикжуулагч мэргэжлээр, 1993-1995 онд ХАА-н дээд сургуулийг Агромелиорацийн
инженер мэргэжлээр суралцаж төгссөн.
1995-1997 онд Цэцэрлэг сумын Рэнчинжугнай компаний дэд
захирал, 1997-2000 онд Цэцэрлэг сумын ИТХ-ын тэргүүлэгчдийн дарга, 2001-2004
онд Хөвсгөл аймгийн АН-ын улс төрийн ажилтан
2004-2016 онд Нийгмийн даатгалын хэлтсийн даргаар 12 жил
ажилласан
2017-2023 онд АН-ын ХЭГ-ын дарга
2021 оноос Хөвсгөл Ус суваг ХХК-ийн гүйцэтгэх захирал
2004-2008 онд аймгийн ИТХ-д төлөөлөгч, АН-ын олонхын
бүлгийн дарга
2020-2024 онд аймгийн ИТХ-ын төлөөлөгч, аймгийн намын
хорооны гишүүн, тэргүүлэгчээр тус тус сонгогдон ажиллаж байна.
