БАЯН-ӨЛГИЙ: Өнгөрсөн онд малчдын хүүхдүүдийн 34 хувь нь цэцэрлэгт хамрагдсан
ОРОН НУТГИЙН МЭДЭЭ | БАЯН-ӨЛГИЙӨлгий /МОНЦАМЭ/. Хичээлийн шинэ жил эхэлж байгаатай холбогдуулан Баян-Өлгий аймгийн боловсролын салбарын зарим статистик мэдээллүүдийг түүвэрлэн хүргэж байна.
- Баян-Өлгий аймаг нь ерөнхий боловсролын 44 сургууль, 1755 багш, 25918 сурагчтай. Үүнээс бага боловсролд 12597, суурь боловсролд 8180, бүрэн дунд боловсролд 5114 хүүхэд суралцаж байна.
- 2022-2023
оны хичээлийн жилд 1655 хүүхэд ерөнхий боловсролын сургуулийг төгссөн.
- 2022-2023
оны хичээлийн жилийн элсэлтийн ерөнхий шалгалтын аймгийн дундаж оноо 487
байгаа. Энэ нь улсын дундаж (517)-аас 30 оноогоор доогуур үзүүлэлт юм.
- Аймгийн
хэмжээнд сургуульд хамрагдах ёстой 6 настай 2735 хүүхэд бий.
- Ерөнхий
боловсролын сургуулийн нэг багш, ажилчинд ногдох хүүхдийн тоо дунджаар 8, нэг
багшид ногдох сурагчийн тоо 15 байна. Энэ нь улсын хэмжээнд хамгийн бага
үзүүлэлт юм.
- Аймгийн
хэмжээнд төрийн өмчийн 48, хувийн хэвшлийн 6, нийтдээ 54 цэцэрлэг үйл ажиллагаа
явуулдаг. Эдгээр цэцэрлэгүүдэд 324 үндсэн багш, 271 туслах багш ажиллаж байна. Мөн
294 бүлэгт 8448 хүүхэд хүмүүждэг.
- Сургуулийн
өмнөх боловсролын хамрагдалтын улсын дундаж нь 87,1 хувь байгаа. Харин
Баян-Өлгий аймгийн үзүүлэлт улсын дунджаас доогуур буюу 74 хувийн хамрагдалттай байна.
- 2022-2023
оны хичээлийн жилд 2291 (82%) хүүхэд сургуулийн өмнөх боловсролын байгууллагын
бэлтгэл бүлэгт хамрагдаж, сургуульд бэлтгэгдсэн. Нийт 5 настай хүүхдийн 17.1
хувь нь малчдын хүүхэд аж. Мөн 5 настай хүүхдийн сургуулийн өмнөх боловсролын
хамрагдалтын улсын дундаж нь 93,3 хувь, Баян-Өлгий аймгийнх 82 хувь байна.
- Малчдын
2-5 насны нийт 4902 хүүхэд байгаа ба үүнээс 1671 (34%) хүүхэд сургуулийн өмнөх
боловсролд хамрагджээ.
- Аймгийн
хэмжээнд сургуулийн өмнөх насны (2-6 нас)
хөгжлийн бэрхшээлтэй 130 хүүхэд байгаа. Үүнээс 2022-2023 оны хичээлийн жилд 22
хүүхэд буюу 17,5 хувь нь цэцэрлэгт хамрагдсан байна.