Ulaanbaatar
ӨМНӨГОВЬ: "Тавантолгой" ХК-ийн коксжих нүүрс МХБ-ийн арилжаагаар дахин дээд амжилтыг тогтоолоо
ОРОН НУТГИЙН МЭДЭЭ | ӨМНӨГОВЬ
Даланзадгад,
2023 оны арванхоёрдугаар сарын 16 /МОНЦАМЭ/. Өмнөговь аймгийн орон нутгийн өмчит "Тавантолгой" ХК-ийн коксжих нүүрс Монголын хөрөнгийн бирж
дээр хийсэн хамгийн өндөр дүнтэй түүхий эдийн арилжаагаар дахин дээд амжилтыг
тогтоолоо.
Тодруулбал, 2023 оны арваннэгдүгээр сарын 7-ны өдөр "Тавантолгой" ХК-ийн коксжих нүүрс МХБ дээр анхны өндөр дүнтэй арилжаагаа хийж байсан бол арванхоёрдугаар сарын 15-ны өдөр 98 багц, 627,200 тонн коксжих нүүрсний арилжааг амжилттай хийж, тонн тутмын үнийг 149 ам доллароос 15,5 хувь өсгөж 53 удаагийн үнэ дуудаж 172 ам долларт хүргэн нийт 107.8 сая ам доллар буюу 372 тэрбум хүрч Монголын хөрөнгийн биржийн дээд амжилтыг дахин тогтоолоо.
Ийнхүү 2023 онд нийт 2.3 сая тонн коксжих нүүрс цахимаар амжилттай арилжаалснаар 49.7 тэрбум төгрөгийн үнээр илүү ашигтай борлуулсан байна.
