"English club"-ийн хичээл эхэллээ
ОРОН НУТГИЙН МЭДЭЭ | ӨМНӨГОВЬӨмнөговь аймгийн Төв номын санд "English club"-ийн хичээл эхлээд байна.
Тус номын сангийн "Хөгжлийн мэдээллийн сургалтын төв"-д дээрх сургалт эхэлж байгаа бөгөөд Энх тайвны корпусын сайн дурын ажилтан Жэссика багш хичээлийг удирдан явуулж байгаа юм.
Клуб нь одоогоор 22 гишүүнтэй болоод байгаа гэнэ. Тэд 7 хоног бүрийн 4 дэх өдрийн өглөө 10 цагт, үдээс хойш 15 цагаас цуглаж хичээл сургалт явуулах ажээ. "English club"-ийн үйл ажиллагаа нь номын сандаа байгаа англи хэлний номууддаа түшиглэдэг бөгөөд дүрмээс гадна ярианы хичээл ордгоороо давуу талтай юм байна.
Тус клубт 10-12 дугаар ангийн сурагчид хамрагдах боломжтой ажээ.
Өмнөговь аймаг Д.Мишигсүрэн