Ulaanbaatar
Гурван үгт хаяг аппликэйшныг 636 мянган иргэний гар утсанд суулгаж хэрэглээнд нэвтрүүлжээ
МОНГОЛЫН МЭДЭЭ | НИЙГЭМ
Улаанбаатар, 2024 оны арванхоёрдугаарс сарын 24 /МОНЦАМЭ/. Онцгой байдлын байгууллагаас иргэн бүрийн гар утсанд байршлаа тодорхойлох What3Words аппликэйшныг суулгах аяныг зохион байгуулж, 21 аймгийн хэмжээнд 636.876 иргэний гар утсанд суулгаж хэрэглээнд нэвтрүүлээд байна.
Иймд иргэд, малчид, тээвэрчдийг цаг агаарын урьдчилан
сэргийлэх мэдээ, мэдээллийг тогтмол хүлээн авч, техник хэрэгсэл болон хувийн
бэлтгэл, бэлэн байдлаа сайтар хангаж, болзошгүй эрсдэлээс урьдчилан
сэргийлэхийг зөвлөлөө.
Мөн болзошгүй аюул, эрсдэл тохиолдсон үед 3 үгт хаяг буюу what3word-аар дуудлага, мэдээлэл өгөхдөө энэхүү программыг өөрийн барьж байгаа гар утаснаасаа хамааран Playstore болон Appstore-оос татаж суулган ашиглах боломжтой.
Мэдээлэл, дуудлага өгч байгаа иргэн өөрийн байгаа газрынхаа хаягаа мэдэхгүй, координат өгөх боломжгүй тохиолдолд өөрийн ухаалаг гар утсан дээрээ интернэттэй болон интернэтгүй үед “what3word” программыг ашиглан 3 үгт хаягаа ирүүлснээр дуудлагын байршлыг нарийвчлалтайгаар тогтоож, цаг алдалгүй шуурхай мэдээллийг хүлээн авах боломжийг бүрдүүлдэг байна.
