Ulaanbaatar
Баян-Өлгий аймгийн англи хэлний багш нар ур чадвараа дээшлүүлж байна
МОНГОЛЫН МЭДЭЭ | БОЛОВСРОЛ
Улаанбаатар, 2025 оны гуравдугаар сарын 25 /МОНЦАМЭ/. Их Британийн Засгийн газрын дэмжлэгээр алсалсан аймаг, сумдын англи хэлний багш нарын ур чадварыг дээшлүүлэх сургалт зохион байгуулж буй.
Энэ хүрээнд Баян-Өлгий аймгийн бүх сумын англи хэлний багш нарт “Алслагдсан орон нутгийн багш, сурагчдын англи хэлний ур чадварыг дэмжих” төслийн сургалт болов.
Боловсролын яам, НҮБ-ын Хүүхдийн сангаас хамтран хэрэгжүүлж байгаа уг сургалтад Баян-Өлгий аймгийн ерөнхий боловсролын сургуулиас гадна сумдын англи хэлний 160 гаруй багш хамрагдаж байна. Энэ нь англи хэлний дүрэм, унших, сонсох ур чадвараа дээшлүүлэх 100 цагийн сургалт юм. Үүнээс гадна 3-5 дугаар ангийн сурагчид англи хэл заах арга зүйд суралцаж байгаа аж.
Сургалтыг МУБИС-ийн туршлагатай, өндөр ур чадвартай багш нар зааж чиглүүлж байгааг зохион байгуулагчид онцоллоо.
