Ulaanbaatar
"Реал", "Аль-Хилал" багууд тэнцжээ
ДЭЛХИЙН МЭДЭЭ | СПОРТ
ВАШИНГТОН, 2025 оны зургаадугаар
сарын 19. /ТАСС/. Хөл бөмбөгийн клубүүдийн дэлхийн аварга шалгаруулах тэмцээний
хэсгийн шатны эхний тоглолтод Испанийн “Реал”, Саудын Арабын “Аль-Хилал” багууд
1:1 харьцаагаар тэнцлээ.
АНУ-ын Майами хотод өчигдөр орой
болсон уг тоглолтод “Реал”-ын Гонсало Гарсия (34 дэх минут), "Аль-Хилал"-ын
Рубен Невеш (41, 11 метрийн торгуулийн цохилт) нар гоол оруулсан байна. Нэмэлт
цагийн хоёр дахь минутанд “Аль-Хилал” багт тоглодог Мароккогийн хаалгач Яссин Боно “Реал”-ын Федерико
Вальвердегийн цохисон 11 м-ийн торгуулийн цохилтыг хаажээ.
Испанийн “Реал” багийнхан Хаби Алонсогийн удирдлага дор анхныхаа тоглолтыг хийсэн бөгөөд хамгаалагч Трент Александер-Арнольд, Дин Хёйсен нар тус багийн бүрэлдэхүүнд анх удаа талбайд гарлаа.
Мөн Италийн иргэн Симоне Инзаги ахлах дасгалжуулагчийн хувиар Саудын Арабын багийг удирдан анхныхаа тэмцээнд оролцож байна. Тэрбээр Аваргуудын лигийн финалд 0:5-аар хожигдсон Италийн “Интер” багийн дасгалжуулагчийн ажлаас саяхан чөлөөлөгдсөн юм.
"Реал", "Аль-Хилал"
багууд Австрийн "Зальцбург”, Мексикийн “Пачука" багуудтай хамт Н хэсэгт
тоглож байна.
АНУ-ын хотуудад болж буй
клубүүдийн ДАШТ-д нийт 32 баг 8 хэсэгт хуваагдан тоглож байгаа бөгөөд хэсэг
тус бүрээс хоёр баг 1/8-ийн хасагдах шатанд шалгарч, тоглолтоо үргэлжлүүлнэ.
Финалын тоглолт долоодугаар сарын
13-нд болно.
