Улаанбаатар
Бүх төрлийн хүнсний дэлгүүр өнөөдрөөс 22.00 цаг хүртэл ажиллана
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. УОК-ын шуурхай ажлын багийн өнөөрийн хуралдааны шийдвэрээр, бүх төрлийн хүнсний дэлгүүр өнөөдрөөс 22.00 цаг хүртэл ажиллах боломжтой болсон тухай Улаанбаатар хотын Ерөнхий менежер Т.Гантөмөр мэдээлэв.
Мөн энэ сарын 22-ноос нээгдэж байгаа ресторан, кафе хуучин цагаар буюу оройн 24.00 цаг хүртэл ажиллах юм байна. Мөн өдөр нээхээр төлөвлөж буй 9 том худалдааны захыг өнөө, маргааш ажлын баг гарган УОК-оос өгсөн тусгай шаардлагыг хангасан эсэхийг шалгах юм байна. Тусгай шаардлага хангасан томоохон захуудыг энэ сарын 22-ноос нээх шийдвэрийг гаргах аж.
Ташрамд дурдахад, нийслэлд өнөөдрийн байдлаар вакцинд хамрагдах зорилтот иргэдийн 97 хувь нь нэгдүгээр тунг, 55 хувь нь давтан тунг тариулжээ.
