Улаанбаатар
Нийт нутгийн 80 гаруй хувьд цастай байна
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2023 оны арванхоёрдугаар сарын 22 /МОНЦАМЭ/. Ус цаг уур, орчны судалгаа мэдээллийн хүрээлэнгээс арав хоногт нэг удаа хийдэг хээрийн цасны хэмжилтийн мэдээгээр 12 дугаар сарын 20-ны байдлаар нийт нутгийн 80 гаруй хувьд цастай байна.
Тухайлбал, Алтай, Хангай, Хэнтэй, Хөвсгөлийн уулархаг нутаг, Хан Хөхий, Эрээний нуруу, Хархираа Түргэний уулс, Дарьгангын тэгш өндөрлөгөөр 20 см-ээс их байна.
Баян-Өлгийн Сагсай, Увсын Улаангом, Хяргас, Сагил, Малчин, Түргэн, Баруунтуруун, Зүүнговь, Давст, Тэс, Өндөрхангай, Завханы Их-Уул, Тэлмэн, Тосонцэнгэл, Тэс, Баянтэс, Түдэвтэй, Яруу, Баянхайрхан, Цагаанчулуут, Сонгино, Эрдэнэхайрхан, Идэр, Цагаанхайрхан, Цэцэн-Уул, Архангайн Жаргалант, Эрдэнэмандал, Төвшрүүлэх, Хайрхан, Батцэнгэл, Цахир, Тариат, Өвөрхангайн Хужирт, Хөвсгөлийн Цагаан-Үүр, Цэцэрлэг, Жаргалант, Галт, Ренчинлхүмбэ, Шинэ-Идэр, Булганы Гурванбулаг, Баяннуур, Дашинчилэн, Хангал, Рашаант, Орхоны Жаргалант, Дархан-Уулын Дархан, Сэлэнгийн Хүдэр, Түшиг, Хушаат, Сүхбаатар, Орхон, Зүүнбүрэн, Ерөө, Орхонтуул, Төвийн Алтанбулаг, Өндөрширээт, Эрдэнэсант, Лүн, Жаргалант, Баянчандмань, Батсүмбэр, Баян, Баянжаргалан, Баян-Өнжүүл, Бүрэн, Цээл, Эрдэнэ, Улаанбаатарын Өлзийт, Багануур, Дорноговийн Дэлгэрэх, Сүхбаатарын Түмэнцогт, Мөнххаан, Баяндэлгэр, Сүхбаатар, Халзан, Түвшинширээ, Асгат, Эрдэнэцагаан, Уулбаян, Дарьганга, Онгон, Наран, Хэнтийн Дадал, Жаргалтхаан, Өлзийт, Баян-Овоо, Цэнхэрмандал, Баян-Адрага, Батноров, Өмнөдэлгэр, Батширээт, Норовлин, Галшар, Дэлгэрхаан, Дархан, Дорнодын Сэргэлэн, Гурванзагал, Булган, Баяндун, Хэрлэн, Дашбалбар, Баянтүмэн, Баян-Уул, Халхголд 10,1-39,0 см цастай байна.
Говь-Алтай, Завхан, Баянхонгор, Архангай, Өвөрхангай, Хөвсгөл, Булган, Орхон, Сэлэнгэ, Дархан-Уул, Төв, Дорноговь, Дорнодын зарим, Баян-Өлгий, Увс, Ховд, Дундговь, Хэнтийн зарим сумдын нутгаар 5,1-10 см, бусад нутагт 1-5 см хунгарлаж шуурсан газартаа 50 см-ээс дээш зузаан цастай байна.
