Ulaanbaatar
Томуугаас сэргийлэх асуудлаар 28 орны төлөөлөл Монголд чуулна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. ЭМЯ, ДЭМБ хамтран "Зүүн өмнөд Ази болон Номхон далайн Баруун бүсийн орнуудын томуугийн олон улсын XIII зөвлөгөөн"-ийг энэ сарын 21-23-нд Улаанбаатар хотноо зохион байгуулна.
Манай улсад анх удаа зохион байгуулж буй уг зөвлөгөөнд АНУ,
Австрали, Япон, БНСУ, БНХАУ, Индонез зэрэг 28 улсын 140 гаруй төлөөлөгч, ДЭМБ-ын
төв болон бүсийн мэргэжилтэн, АНУ-ын Өвчний хяналт сэргийлэлтийн төв, Австрали
улсын халдварт өвчний лавлагаа лабораторийн эрдэмтэн судлаачид
оролцож дэлхий дахины томуу, томуугийн цартахлын бэлэн байдал, хариу арга
хэмжээний талаар хэлэлцэж туршлага солилцох юи. Мөн хүйтний улирал ойртож,
томуугийн дэгдэлт тархах эрсдэл нэмэгдэж буй энэ үед уг өвчлөлөөс хэрхэн
урьдчилан сэргийлэх, дархлаажуулалт, томуугийн вирусын онцлог, тандалт хяналтын
талаар зөвлөмж гарах аж.
Уур амьсгалын өөрчлөлт, даяаршил, хотжил, хүн амын шилжилт
хөдөлгөөн ихэссэн өнөө үед томуугийн халдвар хил хязгааргүй дамжин тархах
болсон. Тухайлбал, 2009 онд өмнө нь хүнд оношлогдож байгаагүй томуугийн A(H1N1)
хэв шинжийн шинэ вирусээр сэдээгдсэн халдвар анх бүртгэгдсэнээс
хойш 3 хүрэхгүй сарын дотор цартахлын хэмжээнд хүрч дэлхийн 100 гаруй улс,
орныг хамарсан удаатай.
Иймээс томуу, томуугийн цартахлаас сэргийлэх арга хэмжээг ДЭМБ төдийгүй улс орнууд хамтран зохион
байгуулж, ихээхэн анхаарал хандуулах болсны нэг илрэл нь энэхүү олон улсын арга
хэмжээ юм.
