Ulaanbaatar
Нийслэлийн түргэн тусламжийн төвд гурван автомашин хүлээлгэн өгөв
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/.
Эмнэлгийн тусламж, үйлчилгээний чанар, хүртээмжийг сайжруулах, иргэдэд цаг
алдалгүй хүрч үйлчлэх боломжийг нэмэгдүүлэх үүднээс Нийслэлийн Засаг даргын тоот
захирамжийн дагуу нийслэлийн төсвийн хөрөнгө оруулалтаар түргэн тусламжийн
эдгээр автомашиныг хүлээлгэн өгч, парк шинэчлэлт хийж байна.
Эмнэлгийн тусламж, үйлчилгээний зориулалт бүхий иж бүрэн тоноглосон “Форд”
загварын автомашиныг Налайх, Багануур дүүргийн эрүүл мэндийн төвд тус бүр
нэгийг хүлээлгэн өгчээ.
Нийслэлийн Засаг дарга бөгөөд Улаанбаатар хотын захирагч С.Амарсайхан,
“Яаралтай түргэн тусламжийг иргэдэд цаг алдалгүй үзүүлэхэд эмнэлгийн
зориулалтаар иж бүрэн тоноглосон эдгээр автомашин зайлшгүй хэрэгтэй юм.
Нийслэлийн эдийн засаг, нийгмийг 2020 онд хөгжүүлэх үндсэн чиглэлд эмнэлгийн
тусламж, үйлчилгээний чанар, хүртээмжийг нэмэгдүүлэх хүрээнд парк шинэчлэлийг
50-60 хувь хүртэл хийхээр тусгасан байгаа. Тиймээс эрүүл мэндийн
байгууллагуудын парк шинэчлэлийн асуудалд анхаарч ажиллана” гэсэн юм.
Хүйтний улирал эхэлж байгаатай холбогдуулан томуу, томуу төст өвчний дэгдэлт,
осол гэмтэл, баяр ёслолын өдрүүдэд гарах хордлого, халдварт өвчин зэргээс үүдэн
яаралтай түргэн тусламжийн төвийн дуудлага эрс нэмэгддэг билээ.
Харин эдгээр автомашиныг хүлээлгэн өгснөөр эмнэлгийн тусламж, үйлчилгээг
иргэдэд цаг алдалгүй хүргэх төдийгүй эрүүл мэндийн байгууллагад ашиглалтын
хугацаа дууссан, нэмэлтээр шаардлагатай байгаа автомашины хэрэгцээ, шаардлагыг
хангасан томоохон хөрөнгө оруулалт болж байгаа юм.
