Ulaanbaatar
Я.Буянжаргал: Дархан-Уул аймагт нэг хүнийг тусгаарлаад байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. “Нэгдүгээр сарын 9-нөөс хойш өнөөдрийн байдлаар 1 273 иргэнийг ажиглалтад авч хянасан. Үүнээс 282 сэжигтэй тохиолдлыг тусгаарлаж, шинжилгээ авахад нэг тохиолдол батлагдсан” хэмээн ЭМЯ-ны өнөөдрийн мэдээллийн үеэр тус яамны Эмнэлгийн тусламжийн газрын дарга Я.Буянжаргал мэдээллээ.
Тэрбээр, “Ховд аймгийн Булган сумын Ярантын
боомтод тусгаарлагдсан 3 иргэний биеийн байдал сайн байгаагаас гадна эмнэлгийн
тусламж үйлчилгээнд сэтгэл ханамжтай байгаа. Сэлэнгэ аймгийн Алтанбулагийн
боомтоор орж ирсэн 10 иргэнийг Дархан-Уул аймагт тусгаарласан. Филиппин,
Тайланд, ОХУ-аар дамжиж ирсэн 4, Австралиас Москвагаар дамжиж ирсэн 4
иргэн байгаа бөгөөд Шанхай, Германаас Москвагаар ирсэн 2 хүн байна.
Тэднийг ажиглалтын байранд тусгаарлаад байна. Дархан-Уул аймагт өнөөдрийн
байдлаар 72 хүнийг ажиглалтад авч, нэг
хүнийг сэжигтэй гэж үзэн тусгаарлаад байна. Өчигдөр бид ДЭМБ-ын Номхон
далайн баруун бүс болон БНХАУ-ын Үндэсний эрүүл мэндийн хорооноос хамтран
зохион байгуулсан цахим хуралд оролцсон. Монгол Улсын хувьд БНХАУ-тай адил
урьдчилан сэргийлэх, эмнэлгийн тусламж үйлчилгээний гэсэн чиглэлд анхааран
ажиллаж байна. Тэдний мэдээлж буйгаар, “COVID-19”-өөр халдварласан хүмүүсийн 80
орчим хувь нь хөнгөн болон дунд зэрэг, 15 хувь нь хүнд, 5 хувь нь маш хүндээр
өвчилсөн гэсэн. Мөн аль болох бөөнөөрөө цуглахаас сэргийлж байна гэсэн
мэдээлэл өгсөн” гэв.
