Ulaanbaatar
ДЭМБ, НҮБ халдварт бус өвчинтэй тэмцэхэд зориулсан хөрөнгө оруулалтаа нэмэгдүүлнэ
МОНГОЛЫН МЭДЭЭ | ЭРҮҮЛ МЭНДДЭМБ, НҮБ-ын Хөгжлийн хөтөлбөрийн хамтарсан баг манай улсад энэ сарын 5-9-нд ажиллаж, халдварт бус өвчинтэй тэмцэх хөрөнгө оруулалтыг нэмэгдүүлэхэд үндэсний болон бүсийн түвшинд судалгаа хийж нөхцөл байдлын дүн шинжилгээ хийнэ.
Тэд өнгөрсөн оны есдүгээр сард манай улсад багаараа ирж халдварт бус өвчний асуудлаар урьдчилан сэргийлэх ажлыг хэрхэн хийх талаар ярилцаж бодлого төлөвлөлтийн түвшинд зөвлөмж гаргаж байсан билээ.
Эрүүл мэндийн дэд сайд Л.Бямбасүрэн ДЭМБ, НҮБ-ын Хөгжлийн хөтөлбөрийн хамтарсан багийн гишүүдтэй өнөөдөр уулзаж халдварт өвчний урьдчилсан сэргийлэлт хяналтад хөрөнгө оруулалтыг татах, шийдвэр гаргагчдын анхааралд хүргэх, оролцогч талуудын хөрөнгө оруулалтын үйл ажиллагааг идэвхжүүлэх чиглэлээр хэрхэн хамтарч ажиллах талаар ярилцлаа.
Энэ үеэр НҮБ-ын төрөлжсөн агентлагуудын багийн ахлагч Др.Николас Банатвала халдварт бус өвчнөөр ид хөдөлмөрлөж бүтээх 40-өөд насны хүмүүс ихээр өвчилж амь насаа алдах тохиолдол ч байсаар байна. Тиймээс бид халдварт өвчний тухайд бизнес кейс зөвлөмж гаргах шийдэлд хүрсэн гэдгээ хэлж байв.
Энэ удаагийн зөвлөхүүдийн багт эдийн засагч, нийгмийн хөгжлийн асуудлаар мэргэшсэн олон улсын зөвлөх болон үндэсний зөвлөхүүд ажиллах юм. Ийнхүү хамтарсан мэргэжлийн баг ажилласнаар Монгол Улсын хувьд ХБӨ-тэй тэмцэх үйл ажиллагаaны эдийн засгийн үр ашгийг тооцсон нарийвчилсан загварчлалтай болох бөгөөд нөхцөл байдлын үнэлгээнд суурилсан бодлогын чиглэлүүдийг ашиглах боломж бүрдэх юм.
Ж.Болор
