СҮХБААТАР: Малдаа өгөх өвсгүй учир цаасан хайрцаг өгч эхэлжээ
ОРОН НУТГИЙН МЭДЭЭ | СҮХБААТАРБаруун-Урт, 2024 оны хоёрдугаар
сарын 20 /МОНЦАМЭ/. Энэ
бол Баяндэлгэр сумын нэгдүгээр багийн малчин
Г-ийн малын хот. Өвс, тэжээлийн хомсдолд орж, үлдсэн хэдэн малаа үхүүлэхгүйн тулд цаасан хайрцаг жижиглэн өгч эхэлжээ.
Эднийх
700 гаруй
бог малтай байсан ч өдрийн 40, 50-иараа хорогдсоор одоо зуу хүрэхгүй малтай
үлджээ. Бод мал нь ч бараг дууссан гэнэ.
Зам нь цасанд хаагдсан учир сумын төвөөс өвс, тэжээл татан авчирч чадалгүй хэд хоносон байна. Унаа машин хомс, сум орон нутаг руу хандсан ч
хүлээн авч, хөдлөх хүнгүй байгааг учирлаж байна.
Аймгаас
сумдын чиглэлд зам нээхээр болсон гэсэн. Үүнтэй адил
сум ч гэсэн доторх замаа нээгээд өгвөл их тус байна. Ер нь зам нээх л хамгийн чухал болоод
байна. Замтай болчихвол яаж ийж байгаад хэдэн боодол өвс олоод авчихна. Мөнгө, санхүү ч хүнд л байна. Гэхдээ
яахав амьд хүн аргатай, болгохын төлөө л зүтгэнэ дээ хэмээн түний гэргий О ярилаа.