Ulaanbaatar
Цусны даралт ихсэлтийн эсрэг аяныг Булган, Хөвсгөл аймагт зохион байгуулав
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Улсын Гуравдугаар төв эмнэлэг, ХААН Банк сан, Нийгмийн эрүүл мэндийн үндэсний төв хамтран хоёр дахь жилдээ хэрэгжүүлж буй “Цусны даралт ихсэлтийн эсрэг Аян-2018”-ыг орон нутагт, хүн амын зүрх судасны өвчлөл, ялангуяа цусны даралт ихсэх өвчний өвчлөл, нас баралт өндөртэй Хангайн бүсийн Булган, Хөвсгөл аймагт энэ сарын 1-7-ны өдрүүдэд анх удаагаа зохион байгууллаа.
Аяны үйл ажиллагаа дээрх хоёр аймгийн төв талбайд олон нийт, ард иргэдэд чиглэсэн нээлттэй өдөрлөг хэлбэрээр зохион байгуулж, цусны даралт ихсэх өвчний эрт илрүүлэг, үзлэг оношилгоо хийж, иргэдэд цусны даралт ихсэх өвчин, түүнд хүргэж буй эрсдэлт хүчин зүйл, хүндрэлийн шалтгаан, түүнээс урьдчилан сэргийлэх амьдралын эрүүл зөв дадал олгох эрүүл мэндийн сургалт сурталчилгаа хийжээ.
Аяны хугацаанд дээрх хоёр аймгийн нийт 2168 иргэн /эрэгтэй 38.5 хувь, эмэгтэй 61.5 хувь/-д цусны даралт ихсэх өвчний эрт илрүүлэг үзлэг, үнэлгээ хийж, 280 иргэнд цусны даралт ихсэх өвчин, түүний эрсдэлт хүчин зүйлийн талаарх эрүүл мэндийн боловсрол олгох сургалт зохион байгуулж, 578 иргэнийг зүрх судас, зүрхний шигдээс, мэдрэл, тархины харвалт, бөөр, хоол боловсруулах замын эмгэгийн нарийн мэргэжлийн эмч нарын үзлэгт хамруулсан байна.
Мөн аяны хугацаанд хоёр аймгийн эрүүл мэндийн газар, түүний харьяа нэгдсэн эмнэлэг, сум дундын болон сум, баг, өрхийн 128 эмч, эмнэлгийн мэргэжилтнийг цусны даралт ихсэх өвчний Олон улсын болон Монгол улсын шинэчлэгдсэн эмнэлзүйн удирдамжийн сургалтанд хамруулж, цусны даралт ихсэх өвчний үеийн амьдралын зөв дадал зан үйл, эрүүл хооллолт, идэвхитэй дасгал хөдөлгөөний зөвлөгөө өгөх арга зүйгээр хангаж ажиллажээ.
Аяны хүрээнд Хөвсгөл аймгийн Нэгдсэн эмнэлэгт цусны даралт хэмжиж, зөвлөгөө мэдээллээр хангах байнгын ажиллагаатай цусны даралтын эрүүл мэндийн булан байгуулан хүлээлгэж өгчээ.
“Цусны даралт ихсэлтийн эсрэг аян-2018” ирэх 9 дүгээр сард Архангай Баянхонгор, Дорноговь аймаг, Замын-Үүд чиглэлд үргэлжлэх аж.
Аяны үйл ажиллагаа дээрх хоёр аймгийн төв талбайд олон нийт, ард иргэдэд чиглэсэн нээлттэй өдөрлөг хэлбэрээр зохион байгуулж, цусны даралт ихсэх өвчний эрт илрүүлэг, үзлэг оношилгоо хийж, иргэдэд цусны даралт ихсэх өвчин, түүнд хүргэж буй эрсдэлт хүчин зүйл, хүндрэлийн шалтгаан, түүнээс урьдчилан сэргийлэх амьдралын эрүүл зөв дадал олгох эрүүл мэндийн сургалт сурталчилгаа хийжээ.
Аяны хугацаанд дээрх хоёр аймгийн нийт 2168 иргэн /эрэгтэй 38.5 хувь, эмэгтэй 61.5 хувь/-д цусны даралт ихсэх өвчний эрт илрүүлэг үзлэг, үнэлгээ хийж, 280 иргэнд цусны даралт ихсэх өвчин, түүний эрсдэлт хүчин зүйлийн талаарх эрүүл мэндийн боловсрол олгох сургалт зохион байгуулж, 578 иргэнийг зүрх судас, зүрхний шигдээс, мэдрэл, тархины харвалт, бөөр, хоол боловсруулах замын эмгэгийн нарийн мэргэжлийн эмч нарын үзлэгт хамруулсан байна.
Мөн аяны хугацаанд хоёр аймгийн эрүүл мэндийн газар, түүний харьяа нэгдсэн эмнэлэг, сум дундын болон сум, баг, өрхийн 128 эмч, эмнэлгийн мэргэжилтнийг цусны даралт ихсэх өвчний Олон улсын болон Монгол улсын шинэчлэгдсэн эмнэлзүйн удирдамжийн сургалтанд хамруулж, цусны даралт ихсэх өвчний үеийн амьдралын зөв дадал зан үйл, эрүүл хооллолт, идэвхитэй дасгал хөдөлгөөний зөвлөгөө өгөх арга зүйгээр хангаж ажиллажээ.
Аяны хүрээнд Хөвсгөл аймгийн Нэгдсэн эмнэлэгт цусны даралт хэмжиж, зөвлөгөө мэдээллээр хангах байнгын ажиллагаатай цусны даралтын эрүүл мэндийн булан байгуулан хүлээлгэж өгчээ.
“Цусны даралт ихсэлтийн эсрэг аян-2018” ирэх 9 дүгээр сард Архангай Баянхонгор, Дорноговь аймаг, Замын-Үүд чиглэлд үргэлжлэх аж.
Ж.Болор
