Ulaanbaatar
Г.Солтанд холбогдох шүүх хурлыг товлов
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. УИХ-ын гишүүн асан Г. Солтаны шүүх хурлыг энэ сарын 20-ны 9:00 цагт товлолоо.
Шүүхийн урьдчилсан хэлэлцүүлгээр яллагдагчийн өмгөөлөгч нарын зүгээс хэргийг мөрдөн шалгах ажиллагаанд буцаах хүсэлт гаргасан байна. Үүнийг анхан шатны шүүх хуралдаанаар хэлэлцэх бөгөөд энэ сарын 20-ны 09:00 цагт эхлэхээр товлосон байна.
Түүнийг Нийслэлийн прокурорын газраас бусдад эдийн засгийн давуу байдал бий болгосон, гэмт хэрэг үйлдэхэд зориуд хүргэж, хатгагчаар хамтран оролцсон хэргээр яллах дүгнэлт үйлдэж, 6 хавтас бүхий эрүүгийн хэргийг өнгөрсөн сарын 17-нд шүүхэд хүлээлгэн өгчээ.
Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газар
