Ulaanbaatar
Баруун бүсийн өсвөр үеийн аварга шалгаруулах барилдаанд 300 гаруй бөх хүч сорив
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. “Баруун бүс-Түмний манлай 2021” үндэсний бөхийн өсвөр үеийн аварга шалгаруулах барилдаанд 27 байгууллагын 300 гаруй өсвөрийн бөхчүүд хүч сорин барилдлаа.
Энэхүү өсвөр үеийн үндэсний бөхийн барилдааныг Говь-Алтай аймгийн Хантайшир бөхийн дэвжээ байгуулагдсаны 20 жилийн ойд зориулсан 12 дугаар сарын 21, 22-ны өдрүүдэд Алтай хотноо зохион байгуулсан юм. Барилдаанд Говь-Алтайн, Ховд, Увс, Баян-Өлгий, Завхан аймгийн өсвөрийн бөхчүүд оролцсоноос:
11-12нас:
1. Б.Цогжавхлан (Ховд)
2. Г.Гантохтог (Увс)
3. С.Дашням (Говь-Алтай)
13-14нас:
1. Б.Тайгали (Баян-Өлгий)
2. Б.Батболд (Увс)
3.М.Буянжаргал (Говь-Алтай)
15-16нас:
1. С.Нуртилек (Баян-Өлгий)
2. Я.Ерөөлт ( Увс)
З. Э.Бат-Өлзий (Говь-Алтай) нар шалгарав. Барилдааны ерөнхий ивээн тэтгэгчээр Хантайшир бөхийн дэвжээний Удирдах зөвлөлийн гишүүн, UB Oil Компанийн захирал Ж.Сэргэлэн, зохион байгуулагчаар Говь-Алтай аймгийн Биеийн тамир, спортын газар ажилласан байна. Барилдаанд Улаанбаатар хотоос Дэвжээний Гүйцэтгэх захирал, Улсын гарьд Н.Ганбаатар, Улсын начин С.Багахүү, Улсын начин Ц.Бямба-Очир, дэвжээний Удирдах зөвлөлийн гүшүүн З.Мөнхзул, Л.Билэгжаргал нар оролцлоо хэмээн зохион байгуулагчаас танилцуулав.
