Ulaanbaatar
Амралтын өдрөөр ч түймэр унтраах дадлага сургууль хийлээ
МОНГОЛЫН МЭДЭЭ | ХУУЛЬНийслэлийн Онцгой байдлын газрын даргын шийдвэрээр гал түймэр унтраах штабын нэгдсэн дадлага сургууль 4 дэх өдрөө үргэлжиллээ. Ой, хээрийн түймрийг унтраах дадлага сургуулийг БЗД-ийн 20 дугаар хороо Буянгийн аманд 2016 оны 11 дүгээр сарын 4-ний өдөр зохион байгууллаа.
Уг сургуулиар ой, хээрийн түймэр унтраах зориулаллттай Rosenbauer MAN тусгай албаны автомашинаар ажиллах, ус дутагдалтай нөхцөлд зөөврийн усны савнаас дамжуулан шахах, үүргийн ус цацагч, үлээгч төхөөрөмж, цуравдагч, гал унтраах гар багаж зэвсэглэмжээр ажиллах дадлагыг хийлээ. Хээрийн нөхцөлд явганаар хөдөлгөөн үйлдэх, аранзан дахь хүнсээрээ хоол бэлтгэх, өгөгдсөн солбилцлоос биет хайх /GPS-ээр/, ой хээрийн түймрийн үеийн цагийн байдалд үнэлэлт өгч, хүч хэрэгсэл, унтраах аргыг сонгох, газрын зураг дээр ажиллах зэрэг үйлдүүдийг хийж гүйцэтгэсэн. Дадлага сургуульд нийслэлийн Онцгой байдлын газрын Гал түймэр унтраах хэлтэс, дүүргүүдийн Онцгой байдлын хэлтсийн Гал түймэр унтраах, аврах ангийн албан хаагчид мөн Хууль сахиулахын их сургуулийн Онцгой байдлын сургуулийн 4-р дамжааны сонсогчид, Баянзүрх дүүргийн ой хамгаалагчид оролцлоо. Дадлага сургуулийн төгсгөлд Гал түймэр унтраах аврах ангиудын салааны захирагчид БЗД-ийн 20 дугаар хороо Буянгийн амнаас Гал түмэр унтраах 35 дугаар анги хүртэл албаны аяны үүргэвчтэй 5км замыг явганаар туулах зэрэг олон дадлага хийсэн байна.
Ж.Батсайхан
