Ulaanbaatar
СҮХБААТАР: Шилийн гол аймгийн Зүүн үзэмчин хошууны удирдлагуудтай албан уулзалт хийлээ
ОРОН НУТГИЙН МЭДЭЭ | СҮХБААТАР
Баруун-Урт, 2025 оны наймдугаар сарын 29 /МОНЦАМЭ/. Сүхбаатар аймаг болон БНХАУ-ын ӨМӨЗО-ны Шилийн гол аймгийн Зүүн үзэмчин хошуу хоорондын хамтын ажиллагааны уулзалт энэ сарын 26-нд Баруун-Уртад
боллоо.
БНХАУ-ын ӨМӨЗО-ны Шилийн гол аймгийн Зүүн үзэмчин хошууны Засаг дарга Чан Шэн тэргүүтэй албаны төлөөлөөгчдийг аймгийн Засаг даргын орлогч Б.Батбаатар нарын удирдлагууд хүлээн авч, албан уулзалтыг
хийжээ.
Тус уулзалтаар хоёр талын боомтыг хөгжүүлэх, хил дамнасан авто зам, төмөр замын бүтээн байгуулалтыг эрчимжүүлэх, БНХАУ-ын ӨМӨЗО-ны Шилийн гол аймгийн Зүүн үзэмчин хошуу болон Сүхбаатар аймгийн Баруун-Урт сум хооронд Олон улсын ах дүү хотын харилцаа тогтоох санамж бичгийг байгуулах, Эрдэнэцагаан суманд барьсан зочид буудлын барилгыг орон нутагт нь хүлээлгэж өгөх гарц боломжийг эрэлхийлэх,
хил орчмын хээрийн түймрээс урьдчилан сэргийлэх чиглэлд хамтрах, мөн хил орчмын аялал жуулчлалыг хөгжүүлэх зэрэг тодорхой таван сэдвийн хүрээнд ярилцаж, санал солилцон цаашид ажил хэрэг болгохын тулд нягт хамтран ажиллах
шаардлагатай талаар хэлэлцлээ.
Асуудал бүрийг ажил хэрэг болгохын тулд талууд өөр өөрсдийн зүгээс боломж, гарцыг тодорхойлж дараагийн
уулзалтаар албажуулахаар болсон байна.
