Ulaanbaatar
Чөлөөт бөхийн ДАШТ маргааш эхэлнэ
МОНГОЛЫН МЭДЭЭ | СПОРТ
Улаанбаатар, 2025 оны есдүгээр сарыын 12 /МОНЦАМЭ/. Чөлөөт бөхийн эрэгтэйчүүдийн 57, эмэгтэйчүүдийн 36 дахь удаагийн ДАШТ Хорватын Загреб хотод маргааш эхэлнэ.
550 гаруй тамирчин оролцох энэхүү тэмцээний эхний өдөр эрэгтэйчүүдийн 61, 70, 86, 125 кг-ын жингийн барилдаан болно. Дээрх дөрвөн жинд манай улсаас Т.Түвшинтулга, Т.Тулга, Н.Батбилгүүн, М.Лхагвагэрэл нар дэвжээнд гарч, Монголын тамирчдын салхийг хагална. ДАШТ-ийг Монголд “Боловсрол” телевизээр албан ёсны эрхтэйгээр эх орон даяар шууд дамжуулах бөгөөд хэсгийн барилдаан 16:30, медалийн төлөөх барилдаан 23:00 цагаас эхэлнэ.
Манай улс чөлөөт бөхийн ДАШТ-д 1963 оноос
оролцож эхэлсэн бол 1967 онд анхны медалиа авч байжээ. Тэр цагаас хойш долоон
алт, 28 мөнгө, 44 хүрэл, нийт 79 медаль авсан байна.
