Ulaanbaatar
Цагааннуурын боомт маргаашнаас уртасгасан цагаар ажиллана
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Улсын баяр наадам ойртож, зорчигч, тээврийн хэрэгслийн хөдөлгөөн нэмэгдсэнтэй холбогдуулан Баян-Өлгий аймгийн нутаг дэвсгэрт орших Цагааннуурын боомт энэ сарын 6-10, 16-21-ний өдрүүдэд 09:00-21:00 цагийн хооронд уртасгасан цагаар үдийн цайны завсарлагагүйгээр ажиллахаар болсон талаар аймгийн ЗДТГ-аас мэдээллээ.
Уг асуудлыг өчигдөр болсон Цагааннуур дахь Боомтын зөвлөлийн хурлаар хэлэлцэж шийдвэрлэсэн байна.
Харин аймгийн Гаалийн газраас өгсөн мэдээллээр тус боомт нь наадмын өдрүүдэд буюу энэ сарын 11-15-ны хооронд амрах ажээ.
Ө.Нурболат
