Тамхины улмаас жилд 6 сая хүн нас барж байна
ДЭЛХИЙН МЭДЭЭ | ЭРҮҮЛ МЭНДНҮБ. /Prensa Latina/. Тамхи татах нь дэлхийн хэмжээнд жилд зургаан сая хүний аминд хүрч байгааг “Дэлхийн тамхигүй өдөр”-ийг тохиолдуулан НҮБ-ын Ерөнхий нарийн бичгийн дарга Бан Ги Мүн анхааруулжээ. “Дэлхийн тамхигүй өдөр” жил бүрийн тавдугаар сарын 31-нд болдог билээ.
Энэ тоо баримт бол тамхины хэрэглээг бууруулахын төлөө тэмцэх хэрэгтэй гэдгийг харуулсан хангалттай бодит шалтгаан мөн гэж тэрбээр үзэж байна.
Мөн “Тогтвортой хөгжлийн зорилт-3”-т бүх насныхныг эрүүл саруул амьдрах боломжоор хангах, сайн сайхан амьдрахад нь дэмжлэг үзүүлэх зорилтыг тусгасныг тэрбээр сануулан дурджээ.
НҮБ-ын тэргүүний хэлснээр, тамхи бол урьдчилан сэргийлэх боломжтой халдварт бус өвчнүүд, тэдгээрийн дотор хорт хавдар, зүрх болон уушгины өвчныг үүсгэдэг гол шалтгаануудын нэг юм.
Г.Доржханд