Ulaanbaatar
Мүн Жэ Иний дэмжигчдийн түвшин өсжээ
ДЭЛХИЙН МЭДЭЭ | УЛС ТӨР
СӨҮЛ. /Xinhua/. БНСУ-ын Ерөнхийлөгч Мүн Жэ Иний дэмжигчдийн түвшин өнгөрсөн долоо хоногт 0.8 хувиар нэмэгдэж, 40 хувьд хүрснийг долоо хоног тутмын санал асуулгын дүн харуулжээ.
“Realmeter” судалгааны байгууллагын мэдээлснээр, Мүн Жэ Иний төрийн хэргээ явуулж буй байдлыг сөргөөр үнэлэх үзүүлэлт 1.5 хувиар буурч, 56.7 хувьд хүрсэн байна.
Түүнчлэн Мүн Жэ Иний, эрх баригч Ардчилсан намын дэмжигчид өнгөрсөн долоо хоногт 1.2 хувиар өсөж, 30.7 хувь болжээ.
Харин сөрөг хүчний гол нам болох Ардын хүч нам 40 хувийн санал авсан нь өмнөх долоо хоногийнхоос 1.2 хувиар буурсан үзүүлэлт юм.
Мөн зүүний төвч үзэлт Нээлттэй ардчилсан нам 6.1 хувь, барууны төвч үзэлт Ардын нам 6.7 хувийн санал авсан бол Шударга ёс нам 4.2 хувийн санал авчээ.
Өнгөрсөн долоо хоногийн даваагаас баасан гараг
хүртэлх хугацаанд явуулсан уг судалгаанд 2517 хүн оролцсон байна.
