Ulaanbaatar
БНАСАУ-д өдөрт илрэх халуурах шинж тэмдэгтэй тохиолдлын тоо буурч байна
ДЭЛХИЙН МЭДЭЭ | ЭРҮҮЛ МЭНД
ПЁНЬЯН. /Korea
Herald/. БНАСАУ-д өдөрт шинээр илрэх
халуурах шинж тэмдэгтэй тохиолдлын тоо хоёр өдөр дараалан 30 мянгаас доошилж
буурсан талаар тус улсын төрийн мэдлийн хэвлэл өнөөдөр мэдээлжээ.
Солонгосын төв
цахилгаан мэдээний агентлагийн /KCNA/ мэдээлснээр, улсын хэмжээнд сүүлийн 24 цагийн
хугацаанд 26 010 хүнээс халуурах шинж тэмдэг илэрсэн байна. Мөн хуганцаанд халдвараар нас
барсан тохиолдлын тоо нэгээр нэмэгдэж, 73-т хүрчээ.
Ингэснээр
дөрөвдүгээр сарын сүүлээс хойш илэрсэн халуурах шинж тэмдэгтэй тохиолдлын тоо лхагва
гаргийн 18:00 цагийн байдлаар 4.55 сая давснаас 4.51 сая гаруй хүн эдгэрч, 46
230 өвчтөн эмчлүүлж байна.
БНАСАУ-д өдөрт
халуурах шинж тэмдэг илэрсэн хүний тоо тавдугаар сарын 15-нд хамгийн олон буюу
392 920-д хүрснээсээ хойш буурсаар байгаа юм.
Хоёр жил гаруйн турш коронавирусний халдвар бүртгэгдээгүй
гэж мэдэгдсээр ирсэн БНАСАУ “COVID-19” халдварын анхны тохиолдол илэрсэн талаар тавдугаар сарын 12-нд албан ёсоор мэдээлжээ.
