Ulaanbaatar
ДУНДГОВЬ: Төрийн албаны ерөнхий шалгалтад 57.1 хувьтай шалгуулжээ
ОРОН НУТГИЙН МЭДЭЭ | ДУНДГОВЬ
Мандалговь, 2025 оны гуравдугаар сарын 18 /МОНЦАМЭ/. Төрийн албаны 2025 оны нэгдүгээр улирлын ерөнхий шалгалтын дүнгээр Дундговь аймаг 57.1 хувьтай шалгуулсан нь улсын хэмжээнд хамгийн өндөр хувьтай байна. Уг шалгалтад оролцохоор 58 иргэн бүртгүүлснээс 44 нь шалгуулж, 25 иргэн тэнцсэн байна.
Тус аймгийн Төрийн албаны салбар зөвлөлийн мэдээлснээр боловсролын
салбарт 39, эрүүл мэндийн салбарт 83, хөдөө аж ахуйн салбарт 24, соёл урлагийн
салбарт 30, төрийн захиргааны байгууллагад 137, төрийн үйлчилгээний удирдах
албан тушаалд 20, 21 аж ахуй нэгж байгууллагын 63 ажлын байр сул дутагдалтай
байна.
Тус аймгийн хэмжээнд төрийн албаны шалгалтад тэнцсэн иргэд болон төрийн өөр байгууллага, нэгж хооронд шилжин ажиллахыг хүссэн төрийн холбогдох бусад байгууллагад ажиллаж байгаа төрийн жинхэнэ албан хаагчдыг ахлах түшмэлийн удирдах 1, дэс түшмэлийн гүйцэтгэх 14, 15 ажлын байранд шилжин ажиллуулахаар нээлттэй зарлаад байна.
Төрийн жинхэнэ албан хаагчдаас тухайн орон тоо
нөхөгдөөгүй тохиолдолд Төрийн албаны тухай хуулийн 33 дугаар зүйлийн 33.2.2
дахь заалт, 33.3 дахь хэсэгт заасны дагуу тусгай шалгалтаар нөхөх юм.
