Ulaanbaatar
Гэр бүлийг чадавхжуулах сургагч багш нарын сургалт эхэллээ
МОНГОЛЫН МЭДЭЭ | БОЛОВСРОЛ
Улаанбаатар, 2025 оны дөрөвдүгээр сарын 1 /МОНЦАМЭ/. “Нэг тэнгэр” олон улсын байгууллагын үндсэн хөтөлбөрүүдийн нэг гэр бүлийг чадавхжуулах сургагч багш бэлтгэх сургалт эхэллээ.
Эхний ээлжид нийслэлийн Баянзүрх дүүргийн төрийн өмчит 15 цэцэрлэгийн 30 аргазүйч, багш хамрагдаж байгаа юм. Гэр бүлийг чадавхжуулах сургалтын хөтөлбөрөөр дамжуулж хүүхдийн эрүүл саруул хөгжил яагаад чухал болох ойлголтыг эцэг, эхүүдэд өгөхийн зэрэгцээ үр хүүхдээ өсгөхөд нь туслах практик мэдлэг, ур чадварыг эзэмшихэд туслах зорилготой ажээ.
Энэхүү
хөтөлбөрийн ахлах зөвлөх Сара Клаус ярихдаа, “Манай байгууллага эцэг, эхчүүдийг
чадавхжуулах, бага насны хүүхэдтэй ээж, аавуудад туслах чиглэлээр хөтөлбөр
хэрэгжүүлж байна. Бага насны хүүхэдтэй ээж, аавууд гэр бүлийн орчинд хүүхдийг хэрхэн
дэмжиж ажиллах талаар мэддэг бүхнээ цэцэрлэгийн багш нарт заах юм. Энэ нь
хүүхдийн хөгжилд чухал хувь нэмрийг
оруулах юм. Монгол дахь НҮБ-ын Хүүхдийн сангийн судалгаанаас харахад хүүхдийн
онцлогт тулгуурлаж, өсгөж хүмүүжүүлэх арга барил үр дүнтэй арга юм. Сургалтын үр дүнд
эрүүл мэндийн мэдлэгтэй болж, стресс багасаж, хоорондын харилцаа сайжрах
өөрчлөлт гардаг. Мөн бага насны хүүхдийн
хоол, шим тэжээлийн зохистой хэрэглээг тохируулах мэдлэгтэй болно” гэв.
Энэхүү сургалт дөрвөн өдөр үргэлжлэх юм.
