Ulaanbaatar
Орон нутагт амьдарч буй эмэгтэйчүүдийн нөхцөл байдлын судалгаа хийнэ
МОНГОЛЫН МЭДЭЭ | НИЙГЭМ
Улаанбаатар, 2025 оны дөрөвдүгээр сарын 4 /МОНЦАМЭ/. Улсад Жендэрт суурилсан хүчирхийлэлтэй тэмцэх үйл ажиллагааг бэхжүүлэх төслийн хүрээнд алслагдсан орон нутагт амьдарч буй эмэгтэйчүүдийн нөхцөл байдлын судалгаа хийж, хууль эрх зүйн байгууллагын ажилчдыг чадавхжуулах, олон нийтийн ойлголт мэдээлэл, хандлагыг сайжруулна.
Энэ талаар Гэр
бүл, хөдөлмөр, нийгмийн хамгааллын яамны Төрийн нарийн бичгийн дарга Л.Мөнхзул Олон
Улсын эрхзүйн хөгжлийн байгууллагын суурин төлөөлөгч Чарлыз Болландтай уулзах үеэрээ ярилцлаа.
Тус байгууллага Монгол Улсад Жендэрт суурилсан
хүчирхийлэлтэй тэмцэх үйл ажиллагааг бэхжүүлэх төслийг 2019-2023 онд
хэрэгжүүлсэн юм. Төслийн хоёр дахь хэсгийг Канад Улсын Засгийн газрын
санхүүжилтээр гэр бүлийн хүчирхийлэлтэй тэмцэх тогтолцоог бэхжүүлэхэд салбар
дундын хамтын ажиллагааг эрчимжүүлэх, хууль сахиулах, шүүх эрх мэдэл, хариу үзүүлэгчийн мэргэжлийн ур
чадварыг нэмэх, хохирогч төвтэй
хандлагыг бэхжүүлэх хүрээнд хэрэгжүүлэх юм.
Гэр бүлийн хүчирхийлэлтэй тэмцэх чиглэлээр сүүлийн 10 жилд
тодорхой ахиц дэвшил гарч байна. Үүнд
салбар дундын уялдаа холбоо хамгийн чухал байдаг. Улсын хэмжээнд энэ оны гуравдугаар сарын
1-нээс хүүхэд, гэр бүлийн нийгмийн 700
гаруй ажилтан ажиллаж эхэлсэн. Тэднийг чадавхжуулж, санал зөвлөмж өгөхөд хамтран ажиллахаар тохиролцсоныг ГБХНХЯ мэдээлжээ.
Төсөлд ХЗДХЯ,
ГБХНХЯ, Гэмт хэргээс
сэргийлэх үндэсний зөвлөл, Жендэрийн үндэсний хороо зэрэг төрийн төв байгууллага хамтран ажиллах юм.
