Орос-Монголыг холбосон цахилгаан дамжуулах шугамыг шинэчилнэ

ДЭЛХИЙН МЭДЭЭ | НИЙГЭМ
jargal@montsame.mn
2015-12-08 15:30:19

ЧИТ. /TASS/. ОХУ-ын Цахилгаан дамжуулах нэгдсэн системийн “Дамжуулах сүлжээний компани”-ийн /ЦДНС ДСК/ ажилчид Мангут-Дээд Ульхун чиглэлийн 10кВ-ын цахилгаан дамжуулах шугамыг шинэчлэх ажлыг гүйцэтгэж эхэллээ. Энэ шугамаар Орос, Монголын хооронд цахилгаан эрчим хүч дамжуулдаг гэж "МЭС Сибири" /ЦДНС ДСК-ийн салбар/ компанийн хэвлэлийн алба мэдээлжээ.

“Шинээр 280 гаруй ширхэг бетон тулгуур босгохоор төлөвлөж байгаагаас оны эцэс гэхэд 77-г нь суурилуулна, харин үлдсэн 204 тулгуурыг шинэчлэн солих ажлыг 2016 онд гүйцэтгэхээр төлөвлөсөн” гэж дээрх мэдээлэлд дурджээ. 

Шинэ бетон тулгууруудыг суурилуулснаар Монголын хил орчмын суурингуудын цахилгаан эрчим хүчний хангамж сайжрах юм.

Мангут-Дээд Ульхун чиглэл дэх улс хоорондын цахилгаан дамжуулах шугам нь 61.4 км урт үргэлжилдэг бөгөөд 1974 онд ашиглалтад оруулжээ. Уг шугам Өвөр Байгалын хязгаарын Кырин районы нутгаар дайран өнгөрдөг.  

 

Related news