БНХАУ-д бүртгэгдсэн уушгины хатгаагаар өвчлөгчид нэмэгджээ
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. БНХАУ-д бүртгэгдсэн шалтгаан нь тодорхойгүй уушгины хатгалгаа өвчин нэмэгдэж байгаатай холбогдуулан ЭМЯ цуврал зөвлөмж хүргэж байна.
Энэ удаа амьсгалын замын халдвараас сэргийлэх дараах
зөвлөмжийг дагаж мөрдөхийг анхаарууллаа. Өнөөдрийн байдлаар БНХАУ-ын Хубэй
мужийн Үхань хотод "Шалтгаан нь тодорхойгүй уушгины хатгалгаа" өвчний
тоо нэмэгдэж, 59 хүн өвчилж, 7 хүний биеийн байдал хүнд байна.
Мөн Хонконгод 14 хүн, Сингапурт бага насны 1 хүүхэд өвчилсөн тухай албан
бус мэдээлэл байна. Иймд,
1. Гараа савандаж угаах, гар ариутгагч хэрэглэх ;
2. Амны хаалт тогтмол хэрэглэх;
3. Нус цэрээ ил задгай хаяхгүй байх;
4. Бохир гараа нүд, хамар, амандаа хүргэхгүй байх;
5. Ханиаж найтаах үедээ бусдад халдвар тараахаас сэргийлэх, амны алчуур
хэрэглэх, шууны дотор тал руу ханиаж найтаах;
6. Амьсгалын замын халдвартай хүн гэртээ байж, бусдад халдвар тараахгүй байх;
7. Хүүхдийг уушгины хатгаа, улаанбурхан зэрэг товлолын дархлаажуулалтад бүрэн
хамруулах;
8. Өвчлөл гарсан улс оронд аль болох зорчихгүй байхыг зөвлөж байна.