Ulaanbaatar
Говь-Алтайн ихэнх нутгаар цасан болон шороон шуурга шуурахыг анхаарууллаа
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. Ойрын өдрүүдэд Говь-Алтайн ихэнх нутгаар цас орж, цасан болон шороон шуурга шуурахыг Онцгой байдлын газраас анхаарууллаа.
11 дүгээр сарын 1-нд салхи ихэнх нутгаар баруун өмнөөс баруун хойш эргэж 8-13м/с, Алтайн салбар уулсаар 14-16м/с, зарим үед түр зуур секундэд 20-22 м/с хүрч цасан болон шороон шуурга шуурч, эрс хүйтэрнэ. Цаашид нийт нутгаар салхи шуурга ихтэй байж, эрс хүйтрэх тул малчид, иргэдийг болзошгүй эрсдэлээс урьдчилан сэргийлэхийг холбогдох албанаас онцгойлон сануулав.
