Ulaanbaatar
Улсын хэмжээнд эрэн сурвалжилж байсан У.Болд нарыг цагдан хорьжээ
МОНГОЛЫН МЭДЭЭ | ХУУЛЬ“Доён” хочит У.Болд, иргэн Т.Өлзийжаргалын хамт 2016 оны зургадугаар сарын 17-ны өдөр Хан-Уул дүүргийн 13 дугаар хорооны нутаг дэвсгэрт галт зэвсгээр буудаж, танхайрсан үйлдэлд нь тус дүүргийн цагдаагийн хоёрдугаар хэлтсээс Эрүүгийн хуулийн 181 дүгээр зүйлийн 181.3-т зааснаар эрүүгийн хэрэг үүсгэн мөрдөн байцаалт явуулж байсан юм.
Хэргийг мөрдөн байцаах явцад У.Болд, Т.Өлзийжаргал нар оргон зайлсан тул улсын хэмжээнд эрэн сурвалжилсаар цагдаагийнхан баривчлан саатуулжээ. Мөн өнгөрсөн баасан гарагт "Доён" хочит У.Болдын ах Сэлэнгийн гэх хочтой У.Баатаржав, бусдыг айлган сүрдүүлж, дарамталсан "Гандан бороо" хочит Ч.Батхуяг нарыг ч баривчлан шалгаж байгаа мэдээлэл байна.
Ж.Батсайхан
