Ulaanbaatar
Нийслэл дэх нийтийн эзэмшлийн газруудыг чөлөөлж эхэллээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Сүхбаатар дүүргийн 7 дугаар хорооны 10 дугаар байрны урд талд нийтийн эзэмшил газар дээр баригдсан блокон хашаа, тоосгон гараашийг /2020.04.23/ буулгаж байна.
Иргэдийн эрүүл, аюулгүй
орчинд амьдрах эрхийг хангах, газрын ашиглалтыг сайжруулах, явган хүний зам
талбайн хүрэлцээг нэмэгдүүлэх, автозамын түгжрэлийг бууруулах зорилгоор нийтийн
эзэмшлийн газруудыг чөлөөлөх Нийслэлийн Засаг даргын А/513 дугаар захирамж
гарсан.
Захирамжийн хэрэгжилтийг хангах ажлын хүрээнд Сүхбаатар дүүргийн Газар зохион байгуулалтын албанаас зөрчлийг арилгахаар заагдсан нийтийн эзэмшлийн байршлуудад газар чөлөөлөх ажлыг ийнхүү эхлүүллээ.
