ӨМНӨГОВЬ: Цагдаагийн албаны болон дотоодын цэргийн байлдааны туганд хүндэтгэл илэрхийллээ
ОРОН НУТГИЙН МЭДЭЭ | ӨМНӨГОВЬДаланзадгад /МОНЦАМЭ/. Монголын цагдаа, Дотоодын цэргийн алба хаагчдын сүлд хийморийн бэлгэ тэмдэг болсон Байлдааны туганд хүндэтгэл үзүүлэх ёслолын үйл ажиллагаа Батмөнх даян хааны талбайд боллоо.
ЦЕГ-ын дарга, Дотоодын цэргийн командлагчийн шийдвэрээр 21
аймаг, нийслэл дүүргийн цагдаагийн газар, хэлтэс, Дотоодын цэргийн бие бүрэлдэхүүн хамрагдаж, “Цагдаагийн болон Цэргийн тангараг” давтах
ёслолын ажиллагааг зохион байгууллаа.
2023 оны 4 дүгээр сарын 20-ны өдөр болсон
ёслолын үйл ажиллагаанд Цагдаагийн ерөнхий
газрын даргын зөвлөлийн гишүүн, Тээврийн цагдаагийн
албаны дарга, цагдаагийн хурандаа Ц.Ариунболд, Бригадын генерал С.Ганбат,
аймгийн Засаг дарга Р.Сэддорж, ЗДТГ-ын дарга Ц.Амартөгс, Өмнөговь аймгийн ЦГ-ын дарга, цагдаагийн хурандаа Н.Мишигдорж, ЦГ-ын ахмадын зөвлөлийн дарга, бэлтгэл дэд хурандаа
Д.Нарангэрэл нарын хүмүүс оролцлоо.
Монгол Улсад орчин цагийн Дотоодын цэрэг үүсэж хөгжсөний 100 жилийн ойг тохиолдуулан “100 жилийн ойн хүндэт медаль”-аар ЗДТГ-ын дарга Ц.Амартөгс, Өмнөговь аймгийн Цэргийн штабын дарга, хурандаа Д.Эрдэнэбаяр нарыг шагнажээ.
Туг цэнгүүлэх ёслолын үйл ажиллагааны үеэр Цагдаагийн ерөнхий газрын “Сүлд” чуулгын уран бүтээлчид алба хаагчдад урлагийн тоглолт үзүүллээ.