Ulaanbaatar
СЭЛЭНГЭ: Нүхэн гарцаар дунд оврын автомашин гарах нөхцөлийг бүрдүүлж байна
ОРОН НУТГИЙН МЭДЭЭ | СЭЛЭНГЭ
Сүхбаатар,
2023 оны аравдугаар сарын 11 /МОНЦАМЭ/. Сэлэнгэ аймгийн төв Сүхбаатар сум дахь 25
дугаар гармын төмөр зам доогуур хийж байгаа нүхэн гарцыг энэ сард ашиглалтад оруулна.
Сэлэнгэ
аймаг болон Улаанбаатар төмөр замын ХНН-ийн хамтын ажиллагааны хүрээнд хийж буй
дээрх ажил нь Сүхбаатар сумын 8 дугаар багийн иргэдийн аюулгүй байдал, галт
тэрэгний хөдөлгөөний аюулгүй ажиллагаа, төмөр зам хөндлөн гарах аюулгүй
нөхцөлийг хангах зорилготой юм.
Энэхүү төмөр
замын 25 дугаар км-ийн 1-р зуутад төмөр зам, авто замын 2 түвшнийг өөр түвшинд
огтлолцуулан хийж буй нүхэн гарц нь төмөр замын 3 зам доогуур гарсан бөгөөд
хөндлөн огтлолын хэмжээ 4х3.5 метр тул дунд оврын автомашин гарах нөхцөлийг
бүрдүүлж байгаа аж.
Нүхэн
гарцын нийт төсөвт өртөг 1.020 сая төгрөг бөгөөд Сэлэнгэ аймгийн орон нутгийн
төсвөөс 500 сая төгрөг, Улаанбаатар төмөр замын ХНН-ээс 520 сая төгрөгийг тус
тус санхүүжүүлжээ.
Ингэснээр
тус бүс нутаг дахь хэсгийн айл өрх, аж ахуйн нэгж, байгууллагууд аюулгүй зорчих
боломжийг бүрдүүлж байгаа юм.
Дээрх нүхэн
гарцын ажил ид өрнөж байгаа бөгөөд энэ сарын дунд үеэс ашиглалтад оруулахаар
ажиллаж байна.
