Ulaanbaatar
ДУНДГОВЬ: Гамшгийн аюулын зарлан мэдээллийн дохиогоор ажиллах дадлага сургуульд 14000 гаруй иргэн оролцлоо
ОРОН НУТГИЙН МЭДЭЭ | ДУНДГОВЬ
Мандалговь, 2025 оны гуравдугаар сарын 28 /МОНЦАМЭ/. Гамшгийн аюулын тухай зарлан мэдээллийн дохиогоор ажиллах
бүх нийтийн дадлага, сургуульд Дундговь аймгийн 15 сумын аж, ахуйн нэгж
байгууллага, сургууль цэцэрлэгийн 14570 орчим иргэн, суралцагчид оролцлоо.
Засгийн газрын 2011 оны 339 дүгээр тогтоолоор баталсан “Гамшгийн
аюулын зарлан мэдээллийн дохио дамжуулах журам”-ын дагуу 3 дугаар сарын
дөрөв дэх долоо хоногийн пүрэв гаргийн 16:00 цагт гамшгийн аюулын зарлан
мэдээллийн дохиогоор бүх нийтийн дадлага, сургуулийг улс орон даяар зохион
байгуулдаг.
Энэхүү дадлага, сургууль нь аж ахуйн нэгж байгууллага,
иргэдийн бэлэн байдлыг хангуулах, төвлөрсөн зарлан мэдээлэх хэрэгслийн бэлэн
байдал, үйлчлэх хүрээг шалгах, иргэдийг гамшгийн аюулын тухай зарлан мэдээлэх
дохиогоор ажиллуулж сургах, урьдчилан сэргийлэх, хариу арга хэмжээ авах мэдлэг
эзэмшүүлэх ач холбогдолтой юм.
Дундговь аймгийн төвд дуут дохио дуугарах үеэр байгууллага, аж ахуйн нэгжийн ажилчид, иргэд мэргэжлийн байгууллагаас өгсөн заавар, зөвлөмжийн дагуу дадлага, сургуульд оролцсон ба аймгийн Засаг дарга гамшгаас хамгаалах алба, мэргэжлийн ангийн бэлтгэл бэлэн байдлыг шалгаж тодорхой үүрэг чиглэл өгчээ.
