Ulaanbaatar
ЗАВХАН: Жүдо бөхөөр хичээллэхэд нь дэмжлэг үзүүлснээр амжилтын буухиа тасрахгүй байна
ОРОН НУТГИЙН МЭДЭЭ | ЗАВХАН
Улиастай, 2025 оны дөрөвдүгээр сарын 1 /МОНЦАМЭ/. Завхан аймгийн тамирчид жүдо бөхийн өсвөр үеийн баруун бүсийн аварга шалгаруулах тэмцээнд багийн дүнгээр хоёрдугаар байрт шалгарчээ.
Тэмцээнд Увс, Завхан, Ховд, Говь-Алтай, Баян-Өлгий аймгуудын нийт 500 гаруй өсвөрийн жүдоч хурд хүч авхаалж самбаагаа сорин өрсөлдсөн байна. Энэхүү тэмцээнд Завхан аймгийн баг тамирчид амжилттай оролцож бага, дунд насны эрэгтэй эмэгтэй ангилалд багийн дүнгээр хоёрдугаар байрт шалгарлаа.
Завхан аймгийн баг тамирчид 5 алт, 4 мөнгө, 12 хүрэл медаль нийт 11 алт, 11 мөнгө, 20 хүрэл медаль хүртсэн амжилт үзүүллээ.
Завхан аймаг жүдо бөхөөр амжилт үзүүлж буй олон тамирчинтай. Тиймээс жүдо бөхийг орон нутагтаа хөгжүүлэхийн тулд өсвөрийн жүдочдыг дэмжиж сургах нь чухал юм. Өсвөрийн жүдо бөхийн тамирчдад техник арга зүйн талаарх мэдлэгийг олгох. Мэргэжлийн багш, дасгалжуулагчдыг бэлтгэж, дэмжиж хамтран ажиллах. Жүдо бөхийг сонирхон хичээллэх дуртай хүүхдүүдийг нээж сургалт явуулах. Шинэ мэх, техникийг зааж сургах, дэмжлэг үзүүлэх зорилгоор шаталсан сургалт, дугуйлангуудыг байнга хичээллүүлдэг.
Өнөөдрийн байдлаар ерөнхий боловсролын сургуулиуд болон спортын клубүүдийн дэргэд жүдо бөхийн секц, дугуйланд давхардсан тоогоор 130 гаруй хүүхэд багачууд идэвхтэй хичээллэж байна. Жүдо бөхөөр хичээллэж амжилт үзүүлж буй өсвөрийн тамирчдыг байнга дэмждэг. Ингэж дэмжиж хамтран ажилласнаар амжилтын буухиа тасрахгүй байна гэж Завхан аймгийн БТСГ-аас мэдээлэв.
