Ulaanbaatar
“Антре гоулд”, “Петрочайна дачин тамсаг”, “Бадрах энержи” компанийн хөрөнгө оруулагчидтай хэлэлцээ хийнэ
МОНГОЛЫН МЭДЭЭ | УЛС ТӨР
Улаанбаатар, 2025 оны долоодугаар сарын 23 /МОНЦАМЭ/. Монгол Улсын Засгийн газрын 2024-2028 оны үйл ажиллагааны хөтөлбөрт туссан Хөгжлийн төслүүдийн хэрэгжилтийг эрчимжүүлэх, ач холбогдол, үр нөлөөгөөр нь эрэмбэлэх талаар авч хэрэгжүүлэх зарим арга хэмжээний тухай Засгийн газрын тогтоол гарлаа.
Тус тогтоолоор,
-Монгол Улсын
2025 оны төсвийн тухай хууль, Монгол Улсын нэгдсэн төсвийн 2026 оны төсвийн
хүрээний мэдэгдэл, 2027-2028 оны төсвийн төсөөллийн тухай хуульд нэмэлт,
өөрчлөлт оруулах тухай хууль баталсантай холбогдуулан хөгжлийн төслүүдийг эдийн
засаг, нийгмийн ач холбогдол, хэрэгжих боломж, санхүүжилтийн эх үүсвэр зэргийг
харгалзан эрэмбэлж, хэрэгжих хугацааг үндэслэлтэй төлөвлөж, зарим төслийн
хэрэгжилтийг хойшлуулж улсын төсөвт дарамт учруулахгүйгээр хэрэгжүүлэх,
-Хөгжлийн
төслүүдийн бэлэн байдлыг хангах, эрчимжүүлэх хүрээнд зарим төслийн ТЭЗҮ, зураг
төслийг шинэчилж, гүйцэтгэгч сонгон шалгаруулах ажлыг яаралтай зохион
байгуулах,
-“Антре гоулд”, “Петрочайна дачин тамсаг”, “Бадрах энержи” компанийн хөрөнгө оруулагч нартай Монгол Улсын Үндсэн хууль, олон улсын гэрээ, холбогдох хууль тогтоомжийн хүрээнд хэлэлцээ хийж, гэрээний төслүүдийг тохирох, холбогдох санал, дүгнэлтийг боловсруулж, эцэслэсэн хувилбарыг Засгийн газрын хуралдаанд танилцуулахыг холбогдох гишүүдэд үүрэг болгосон байна.
Үүнээс гадна Монгол
Улсыг 2026-2030 онд хөгжүүлэх таван жилийн үндсэн чиглэл, дээр хугацааны хөрөнгө
оруулалтын хөтөлбөрийн төсөлд тусгах төсөл, үйл ажиллагааны саналаа ирүүлэх,
Хөрөнгө оруулагчийн гомдлыг шийдвэрлэх ажлыг эрчимжүүлэхийг даалгажээ.
