Ulaanbaatar
ДОРНОД: Найрал дууны уралдаанд 430 гаруй сурагч оролцож байна
ОРОН НУТГИЙН МЭДЭЭ | ДОРНОД
Чойбалсан, 2025 оны есдүгээр сарын 19 /МОНЦАМЭ/. Дорнод аймгийн Чойбалсан суманд Монгол Улсын Хөдөлмөрийн баатар, төрийн шагналт, ардын жүжигчин Д.Лувсаншаравын нэрэмжит “Хүүхдийн найрал дууны уралдаан” болж байна. Уралдаанд Хэрлэн сумын ЕБ-ын дөрвөн сургуулийн 430 гаруй авьяаслаг сурагч оролцож байна.
Монгол Улсад Хүүхдийн байгууллага үүсэж хөгжсөний 100 жилийн ойн хүрээнд аймгийн СУАЖЗГ болон ХГБХХГ-аас дээрх уралдааныг зохион байгуулж байгаа юм. ХГБХХГ-ын дарга Ж.Сайхангэрэл, "Ерөнхий боловсролын сургуулийн хөгжмийн сургалт, хичээлээс гадуурх үйл ажиллагааг чанаржуулах, найрал дууны урлагаар дамжуулан хүүхдийн цогц хөгжлийг дэмжих, урлаг уран сайхан, гоо зүйн хүмүүжлийг төлөвшүүлэх зорилготой" гэв.
