Улирлын томуугийн эсрэг дархлаажуулалтад 5000 хүүхэд хамарна
МОНГОЛЫН МЭДЭЭ | ЭРҮҮЛ МЭНДҮндэсний дархлаажуулалтын ээлжит арав хоног энэ сарын 1-нээс орон даяар үргэлжилж байна.
Сахуу, татрангийн эсрэг вакцинжуулалтад 7 настай 33188 хүүхэд хамрахаас 28732 хүүхэд хамарч 86.5 хувьтай, 15 настай 22230 хүүхэд вакцинд хамрахаас 17992 хүүхэд хамарч 80.9 хувийн хамралттай байгаа аж.
Энэ сарын 08-ны өдрөөс эхлэн нийслэлийн хэмжээнд Эрүүл мэндийн ажилтан, ОБЕГ, МХЕГ, НМХГ, ЦЕГ, ХХЕГ, Автобус ХХК , Нийтийн үйлчилгээний Улаанбаатар нэгтгэл, Чингис хаан ОУНБ зэрэг газарт ажилладаг эрсдэлт бүлгийн хүмүүст улирлын томуугийн эсрэг вакцинаар дархлаажуулж байна.
Дараагийн долоо хоногоос эмзэг бүлгийн 2-5 насны 5000 орчим хүүхдийг улирлын томуугийн эсрэг вакцинаар дархлаажуулах юм. Мөн 6 сараас дээш насны хүүхэд болон насанд хүрэгсдэд ХӨСҮТ-ийн сайн дурын дархлаажуулалтын кабинетаар дээрх вакциныг төлбөртэй хийж байгаа аж.
Ж.Болор