Хандивын тоглолт энэ сарын 21-нд болно
ОРОН НУТГИЙН МЭДЭЭ | БАЯНХОНГОРБаянхонгор аймгийн Өлзийт сумын суугуул Д.Болорцэцэг БНХАУ-ын Бээжин хотод Бөөрний дутагдал гэсэн оноштой эмчлүүлж байна. Д.Болорцэцэгтэй эгч дүүсийн хүүхдүүд болох Ц.Амарзаяа, Б.Номин-Эрдэнэ нар эмчилгээний зардалд нэмэр болох үүднээс бие даасан тоглолт болон бүх насны хүүхдэд үзлэг оношлогоо хийхээр болжээ.
Ц.Амарзаяа нь мэргэжлээрээ эх нялхас, Шастины нэрэмжит 3 дугаар эмнэлгийн Хүүхдийн тасагт 15 жил ажилласан туршлагатай, Тайландад мастер хамгаалсан, доктрантурт мэргэжлээ дээшлүүлэн суралцаж байгаа аж. Хүүхдийн мэргэжлийн эмч нь бүх насны хүүхдэд үзлэг оношлогоог энэ сарын 21, 22-нд өглөөний 08:30 цагаас хийх бөгөөд төлбөр 10000 төгрөг байх юм байна.
Харин Улсын филармоний гоцлол дуучин Б.Номин-Эрдэнэ өөрийн бие даасан “Этник Момент" тоглолтоо Хүүхдийн Тэмүжин театрт ганцхан удаа тоглоно. Билетийн үнэ 10000 төгрөг байх бөгөөд үзлэг, тоглолтын орлогыг 100 хувь Д.Болорцэцэгийн эмчилгээний зардалд хандивлах аж.
Б.Мөнхзул