Сэлэнгийн цом наадам болно
ОРОН НУТГИЙН МЭДЭЭ | СЭЛЭНГЭСэлэнгэ нутгийн 17 сум, 6 тосгоны баг тамирчдыг хамарсан “Сэлэнгийн цом” спортын бага наадам хоёр дахь жилдээ зохион байгуулагдах гэж байна.
Уг тэмцээн нь энэ сарын 27-ноос 29-ний өдрүүдэд зохион байгуулагдах бөгөөд тэмцээнийг УИХ-ын гишүүн, ЗГХЭГ-ын дарга С.Баярцогт, УИХ-ын гишүүн, Аж Үйлдвэрийн Яамны сайд Д.Эрдэнэбат нарын дэмжлэгтэйгээр зохион байгуулагдаж буйгаар онцлогтой юм.
“Сэлэнгийн цом” спортын бага наадам нь сагсан бөмбөг, гар бөмбөг, үндэсний бөх, шатар, теннис зэрэг спортын 5 төрлөөр явагдах аж. Тэмцээний нээлтийн өдөр Сэлэнгэ нутгаас гаралтай улс төр, бизнес, урлаг, соёлын манлайлагчдын "Бүх одод”-ын сагсан бөмбөгийн нөхөрсөг тоглолт болох юм байна.
Сэлэнгэ аймаг.Ч.Отгонцэцэг