Ulaanbaatar
Ази тивийн футзалын АШТ-ий урьдчилсан шатны тоглолт маргааш эхэлнэ
МОНГОЛЫН МЭДЭЭ | СПОРТ
Монгол Улсад зохион байгуулах Ази тивийн футзалын XIY тэмцээний эрхийг авах урьдчилсан шатны Зүүн бүсийн тоглолт маргааш Улаанбаатар хотноо эхлэх гэж байгаатай холбогдуулан өнөөдөр хэвлэлийн бага хурал боллоо.
Буянт- Ухаа спортын ордонд болох тус тэмцээний техникийн хурлыг Азийн Хөлбөмбөгийн Холбоо /АХБХ/-ны тоглолтыг зохион байгуулагч /Коммиссар/ Жэйсин Мутиа ахлан явууллаа.
Техникийн хурлын дараа бүх багуудын нэгдсэн хэвлэлийн хурал болж, зохион байгуулагчид нь энэ хэсэгт багтсан 5 багаас зөвхөн хоёр нь ирэх жил Узбекстан улсыг зорих эрхийг авна гэдгийг онцолж байв.
Багууд хуваарийн дагуу Буянт-Ухаа спортын ордонд бэлтгэлээ хийж байгаа юм. Тэмцээн бямба гарагт албан ёсоор эхэлж энэ сарын 14-19-нд үргэлжлэх бөгөөд өдөр бүр 17 болон 20 цагаас тоглолт болно.
Д.Өлзий
