Ulaanbaatar
Дани, Албанийн хөлбөмбөгчид ЕВРО-2024-ийн эрхээ авлаа
ДЭЛХИЙН МЭДЭЭ | СПОРТ
ЖЕНЕВ, 2023 оны арваннэгдүгээр сарын 18 /АР/. Дани, Албанийн хөлбөмбөгчид баасан гарагт буюу өчигдөр Европын аварга шалгаруулах тэмцээний /ЕВРО-2024/ шувтаргын шатанд оролцох эрхээ авлаа.
Албанийн шигшээ багийн хувьд ЕВРО-2024-т шалгарахад нэг оноо дутуу байсан
бөгөөд Кишинев хотноо Молдовагийн
шигшээ багтай хийсэн тоглолтод
1:1-ээр тэнцсэнээр эрхээ баталгаажууллаа. Одоо долоон тоглолтын дараах байдлаар Албани 14 оноогоор Е хэсгийг тэргүүлж байна.
Түүнчлэн хагас хамгаалагч Томас Деланигийн 54 дэх минутад оруулсан
гоолын ачаар Дани улсын шигшээ баг
хамгийн ойрын өрсөлдөгч Словенийг 2:1-ээр буулган авснаар H хэсгийг тэргүүлж эхэллээ.
Одоогийн байдлаар Дани, Албани зэрэг 13 улсын багууд ЕВРО-2024 тэмцээний шувтаргын шатанд оролцох эрхээ
аваад байгаа бөгөөд ирэх мягмар
гарагт дуусах хэсгийн тоглолтуудын дараа дараагийн найман баг шалгарна.
Мөн 2024 оны гуравдугаар сарын 21-26-ны хооронд болох хасагдах шатны 12 багийн тоглолтуудын дүнгээр сүүлчийн гурван багийг тодруулах юм.
