Өмнөд Солонгосын охидын хамтлагийг хилээс буцаажээ
ДЭЛХИЙН МЭДЭЭ | СОЁЛ УРЛАГЛОС- АНЖЕЛЕС. /BBC/. Өмнөд Солонгосын охидын хамтлагийн гишүүдийг биеэ үнэлэгч гэж үзээгүй, буруу визтэй байсан учраас АНУ-д нэвтрүүлээгүй гэж мэдээлэв.
Өмнөд Солонгосын “Oh My Girl” хамтлагийг Лос-Анжелес хотын нисэх буудалд саатуулсны дараа нутаг буцаасан юм.
Хамтлагийн 8 гишүүн цомгийн зураг авалт хийхээр АНУ-ыг зорьсон ч тэднийг гааль дээр 15 цаг саатуулжээ.
Хамтлагийн гишүүд буруу визтэй байсан гэж нэрээ нууцлахыг хүссэн гаалийн ажилтан “Los Angeles Times”-д мэдээлсэн байна.
Өөрсдийгөө жуулчид гэж охидын хамтлаг гаалийн байцаагчид худал хэлсэн гэж эх сурвалж хэлсэн юм.
Зөв бичиг баримт бүрдүүлээгүй байсан учир тэднийг АНУ-д нэвтрүүлээгүй байна.
“Бид өдөр бүр хийдэг ажлаа л хийсэн. Бид өдөр бүр хүмүүсийг буцаадаг” гэж эх сурвалж “Los Angeles Times”-д хэлэв.
Охидын хамтлагийг биеэ үнэлэгчидтэй андуурч, 15 цаг саатуулсан гэж тус хамтлагийн менежментийг хийдэг компани мэдэгдсэн юм.
Өмнөд Солонгосын Сөүл рүү нисэх дараагийн нислэг 15 цагийн дараа байсан гэж АНУ-ын Гаалийн газар хэлжээ.
Х.Аминаа